да 140-годдзя з дня нараджэння паэта
|
У прыгожым маляўнічым кутку нашай рэспублікі размясцілася Вязынка. Цудоўная прырода гэтага краю: вакол зялёны бор, прасторныя лугі, звілістыя дарогі. Сярод маляўнічай прыроды гэтага краю па-над невялічкай рачулкай у вёсцы Вязынка стаіць хатка. Тут, у гэтай маленькай хатцы, нарадзіўся Янка Купала. |
| Вязынка. Хата, дзе нарадзіўся Янка Купала | |
|
Луцэвіч Бянігна Іванаўна (дзявочае Валасевіч; 1857 - 30.6.1942), маці паэта. Нарадзілася на Міншчыне ў фальварку Няшота, што непадалёк ад мястэчка Рубяжэвічы у сям'і дробнага шляхціца. У 1879 супраць волі бацькоў, парваўшы з сям'ёй, выйшла замуж за Д. А. Луцэвіча. У 1881 пераехалі ў Вязынку, дзе 25.6 (7.7) 1882 нарадзіўся першынец, якога назвалі Янкам. |
| Маці паэта | |
|
Луцэвіч Дамінік Ануфрыевіч (1846 - 14.5.1902), бацька паэта. Нарадзіўся на Міншчыне ў засценку Пяскі, каля Ігумена (Ігумен - цяперашні Чэрвень) у сям'і беззямельнага засцянковага шляхціца. Адукацыю меў невялікую. Трохі чытаў па-польску. У 1879 ажаніўся з Бянігнай Іванаўнай Валасевіч. Пасля шлюбу аддзяліўся ад сям'і бацькоў і стаў арандатарам памешчыцкіх фальваркаў. |
| Бацька паэта | |
|
|
| Янка Купала ў шасцігадовым узросце | |
|
Ляўкі - цэнтр Купалаўскага мемарыяльнага запаведніка "Ляўкі", дзе размяшчаецца філіял літаратурнага музея Янкі Купалы. Тут паэт жыў і працаваў у 1935 - 1941. Упершыню гэтыя мясціны паэт наведаў у час творчай камандзіроўкі у 1935. |
| Ляўкі. Будынак дачы Я. Купалы | |
|
У запаведніку, як і ўздоўж дарогі, якая вядзе ў Вязынку, ляжыць мноства камянёў-валуноў. На адным з іх высечаны радкі: Я тут бачу свій край, поле, рэчку і бор. Сваю матку-зямлю - Беларусь. |
| Камень-валун з купалаўскімі радкамі | |
|
У 1916 Янка Купала ўступае ў шлюб з Уладзіславай Францаўнай Станкевічанкай - актыўнай дзяячкай беларускага культурна-асветніцкага руху. |
| Я.Купала з жонкой… | |
|
|
| Янка Купала. 1919. | Янка Купала. 1922. |
|
|
| Янка Купала. 1923. | Янка Купала. 1941. |
|
Творчая і асабістая дружба Купалы і Коласа - змястоўная старонка не толькі біяграфіі кожнага з іх, але і гісторыі ўсёй беларускай літаратуры і культуры. |
| Янка Купала і Якуб Колас | |
|
Беларуская літаратура пачатку ХХ ст. - літаратура паскоранага развіцця, якая змагла на працягу дзесятка год вылучыць яркіе творчыя індывідуальнасці. |
| Беларускія пісьменнікі… | |
|
Указам Прэзідыума Вярхоўнага Савета СССР Янка Купала ўзнагароджан ордэнам Леніна за выдатныя заслугі ў развіцці савецкай мастацкай літаратуры. |
| М. І. Калінін уручае ордэн Леніна … |
ГАЛОЎНАЯ : РАЗДЗЕЛЫ ВЫСТАЎКI : ЛIТАРАТУРА : IЛЮСТРАЦЫI : ПРА ЯНКУ КУПАЛУ : З ДУМКАЙ ПРА БЕЛАРУСЬ